साउदी राजकुमारले दिएको करोडौंको उपहार बेचिँदै–बेचिँदै उनकै हातमा पुगेपछि…
    • Bell Sanchar

    • ६ कार्तिक २०७८, शनिबार

काठमाडौं। राष्ट्राध्यक्षहरुले विदेश भ्रमणमा उपहार पाउनु सामान्य कुरा हो । नियमअनुसार उनीहरुले यो उपहारको जानकारी सम्बन्धित मन्त्रालयलाई दिन्छन् । तर, पाकिस्तानमा भने प्रधानमन्त्री इमरान खान र उनकी पन्ती बुशरा बीबीले देशलाई नबताइ करोडौं मूल्यका उपहार बेचिदिएको आरोप लागेको छ ।
इमरान खान २०१८ मा प्रधानमन्त्री बनेका थिए । त्यसपछि उनले कैयौं देशको भ्रमण गरेका थिए । ती देशहरुमध्ये साउदी अरेबिया पनि थियो । साउदीका राजकुमार मोहम्मद बिन सलमानले इमरानलाई भ्रमणको क्रममा बहुमूल्य हाते घडी उपहार दिएका थिए ।

अबरार खालिद नामका एक पाकिस्तानी नागरिकले सूचना आयोगमा निवेदन दिँदै इमरान खानले अन्य देशहरुबाट पाएका उपहारको जानकारी मागेका थिए । जवाफमा यी उपहारको जानकारी दिन नसकिने भनियो । खालिद पनि जिद्दी निस्किए । उनले इस्लामाबाद हाइकोर्टमा निवेदन दिएर उपहारबारे जानकारी मागे ।इस्लामाबाद हाइकोर्टले इमरान सरकारसँग सोध्यो ‘तपाइँ उपहारहरुको जानकारी जनतालाई किन दिनुहुन्न ?’ सरकारका वकिलले जवाफ दिए ‘यसबाट देशको सुरक्षालाई खतरा छ । यसका अलावा अन्य देशहरुसँग हाम्रो सम्बन्ध खराब हुन सक्छ त्यसैले जनतालाई अन्य देशहरुबाट प्राप्त उपहारको जानकारी दिन सकिँदैन ।’पमकिस्तानी पत्रकार आरिफ अजाकिया र इमदाद अली शुमरोका अनुसार इमरानलाई साउदी राजकुमार सलमानले सुनबाट बनेको र हीरा जडिएको बहुमूल्य हातेघडी उपहार दिएका थिए । सलमानले यस्ता २ वटा मात्र घडी बनाउन लगाएका थिए । एउटा आफैंसँग राखेर अर्को इमरानलाई उपहार दिएका थिए । यो घडीको मूल्य १६ करोड रुपैयाँ थियो ।इमरानले घर आएपछि यो घडी आफ्नी पत्नी बुशरा बीबीलाई राख्न दिए । बुशराले यो घडी एक स्टाफलाई दिएर यसको मूल्य पत्ता लगाउन भनिन् । स्टाफले यो घडी निकै महंगो भएको बताए । बुशराले ती स्टाफलाई घडी बेचिदिन भनिन् । तर, बेच्नका लागि पठाइएको घडी ब्राण्डेड देखेपछि शोरुमका मालिकले यो घडी उत्पादक कम्पनीलाई फोन गरेर यो घडीबारे सोधे ।घडी बिक्रीका लागि आएको थाहा पाएपछि घडी उत्पादक कम्पनीले सिधै मोहम्मद बिन सलमानको अफिसमा सम्पर्क गरेर भने ‘तपाइँले जुन २ वटा घडी बनाउन लगाउनुभएको थियो तीमध्ये एउटा बिक्रीको लागि आएको छ । यो तपाइँले बेच्न पठाउनुभएको हो वा चोरी भएको हो ?’ सलमानले कुरा बुझे । उनले निर्माता कम्पनीलाई घडी किन्न भने । यसरी सलमानले उपहार दिएको विशेष उपहार घुम्दैफिर्दै उनकै हातमा पुग्यो ।पत्रकार शुमरोका भन्छन् ‘इमरान खानले यी उपहारको जानकारी तोशाखाना र क्याबिनेट कमिटीलाई दिँदै दिएनन् होला ।

उनले कौडीको मूल्यमा यी चीन किने होलान् अनि पछि यिनीहरुलाई बेचेर मोटो रकम हासिल गरे । इमरानकै इशारामा सबैथोक भयो उनले देशको नाक काटे ।’पाकिस्तानकी प्रसिद्ध पत्रकार आलिया शाहका अनुसार पाकिस्तानमा राष्ट्रपति, प्रधानमन्त्री वा अन्य पदका व्यक्तिहरुले पाएको उपहारको जानकारी नेशनल आर्काइभलाई दिनुपर्छ । यी उपहारलाई तोशाखानामा जम्मा गराउनुपर्छ । यदि उपहार १० हजार पाकिस्तानी रुपैयाँभन्दा कमको भए सम्बन्धित व्यक्तिले राख्न पाउँछन् । १० हजारभन्दा धेरै मूल्यका उपहार २० प्रतिशत मूल्य तिरेर राख्न पाइन्छ । ४ लाख भन्दा बढी मूल्यका उपहार यसरी मूल्य तिरेर राष्ट्रपति र प्रधानमन्त्रीले मात्र राख्न पाउँछन् । कसैले नकिने लिलामी हुन्छ ।

Nabintech
साताकाे चर्चित
सम्बन्धित