हेलिकप्टर दुर्घटनामा मृत्यु भएका भारतका चिफ अफ डिफेन्स स्टाफ(सीडीएस) विपिन राउत र उनकी पत्नी मधुलिकाको आज अन्तिम संस्कार हुने भएको छ ।
बुधबार तमिलनाडुको कुन्नूरमा भारतीय सेनाको हेलिकप्टर दुर्घटना हुँदा सीडीएस रावत, उनकी पत्नी लगायत १३ जना सैनिक अधिकारीको मृत्यु भएको थियो । बिहीबार दिल्लीमा रावतको अन्तिम संस्कार हुँदैछ ।
दुर्घटनामा घाइते अर्का एक जना मेजरको स्थानीय अस्पतालमा उपचार भइरहेको छ । सीडीएस रावत र उनकी पत्नी मधुलिकाको पार्थिव शरीर आजै दिल्ली ल्याउने भारतीय संचारमाध्यहरुले जनाएका छन् ।
सीडीएस रावतको गृह राज्य उत्तराखण्ड सरकारले तीन दिन राजकीय शोकको घोषणा गरेको छ ।
