भारत-नेपाल जाेड्ने गाैर भन्सारमा खटिएका प्रहरी चेकिङ टोलीले माेटरसाइकलसहित एक जनालाई पक्राउ गरेकाे छ ।
राैतहटकाे गाैर नगरपालिका-१ स्थित भन्सारमा प्रहरीले चेक जाचँ गर्ने क्रममा भारतको बैरगनियाबाट गौरतर्फ आउँदै गरेको बिआर ३० एबी -२६५७–३० नम्बरको मोटरसाईकल भित्र लुकाई राखेको अवस्थामा स्राेत नखुलेको नेपाली नगद फेला पारेकाे छ ।
प्रहरीले माेटरसाइकलकाे एयर भिल्टर भित्र ४ लाख ५० हजार रुपैयाँ फेला परेको हाे ।
पक्राउ पर्नेमा भारत बिहार राज्य जिल्ला सितामढी बैरगिनिया बस्ने सिकिन्दर पासवानको छोरा अन्दाजी १९ वर्षीय विकाशकुमार पासवान रहेकाे जिल्ला प्रशासन कार्यालय राैतहटले जानकारी दिएकाे छ ।
पक्राउ परेका पासवानलाई सो रकमसहित नियन्त्रणमा लिई आवश्यक कारवाहीका लागि आज गौर भन्सार कार्यालयमा बुझाईएको प्रहरीले जनाएकाे छ ।
