आज ८ पुस, २०७८। २३ डिसेम्बर, बिहीबार । पौषकृष्णपक्ष चतुर्थी, अश्लेषा नक्षत्र, वैधृति योग, चन्द्रमा कर्कट राशिमा छ । आज सूर्योदय बिहान ६ः ५३ भएको छ भने सूर्यास्त ५ बजे १३ मिनेटमा हुनेछ ।
दिउँसो १ः२१ देखि २ः३९ सम्म राहुकाल रहेको छ । राहुकालको समयमा शुभ कार्य नगर्नुहोला । त्यसो त ११ः४३ देखि १२ः२४ सम्म अभिजित मुहूर्त रहेको छ । ज्योतिषशास्त्रकाअनुसार अभिजित मुहूर्त भएको समयमा शुभकार्य गर्न सकिन्छ ।
बिहीबारका दिन अध्ययन अध्यापनको कार्य गर्दा शुभ हुनेछ । कुनै अनुसन्धानका कामहरु सुरु गर्दा, पढाइको शुरुवात गर्दा पनि विहीबारको दिन गर्न सकिन्छ ।
