काठमाडौं। नेपाली चलचित्र ‘चपली हाइट ३’ को प्रदर्शन मिति पुन: सारिएको छ। चलचित्र अब पुष ३० गते प्रदर्शनमा आउने जनाइएकाे छ।

निर्माता अर्जुन कुमारले आइतबार नेपाल चलचित्र संघमा एक निवेदन दिएर चलचित्रको प्रदर्शन मिति परिवर्तन गरेको जानकारी दिनुभएकाे छ।

अर्जुन कुमारको निर्माण तथा निकेश खड्काको निर्देशन रहेको चलचित्रमा स्वस्तिमा खड्का, आमिर गौतम, सुपुष्पा भट्ट, महेश त्रिपाठी, प्रतीकमान श्रेष्ठ, अर्पण थापा,  दीपाश्री निरौला, लक्ष्मी बर्देवा, लोकेन्द्र लेखक, विशाल पहारी, जीवन भट्टराई, सुष्मा निरौला आदि कलाकारहरुको अभिनय रहेको छ।

क्राइम थ्रिलर विधामा बनेको चलचित्रको कथा तथा संवाद आकाश बरालले लेख्नुभएकाे हाे। स्टेसन फाइभले राजधानी र एफडी कम्पनीले राजधानी बाहिर वितरण गर्ने  जनाइएकाे छ ।