ओस्कार अवार्डको नोमिनेसनमा परेका ८२ वर्षीय हलिउड लेखक तथा निर्देशक पिटर बोगदानोभिचको निधन भएको छ।

उहाँको हिजो (बिहीवार) राति आफ्नै घरमा निधन भएको हो।

अन्तर्राष्ट्रिय सञ्चारमाध्यमहरुका अनुसार पार्किन्सनको जटिल रोगका कारण उहाँको मृत्यु भएको उहाँकी छोरी एन्टोनिया बोगदानोभिचले बताउनुभएकाे छ ।

अमेरिकाको लस एन्जलसमा बस्दै आउनुभएका उहाँ ७०औँ दशकका चर्चित फिल्म निर्देशकमध्ये एक हुनुहुन्थ्याे। पहिला चलचित्र पत्रकारिता गर्नुभएका उहाँले सन् १९७० मा चलचित्र ‘द वाइल्ड एन्जल्सुबाट आफ्नो चलचित्रको यात्र शुरू गर्नुभएकाे थियाे ।

उहाँको निर्देशनमा बनेको  ‘द लास्ट पिक्चर शो’ र ‘पेपर मुन’ ओस्कार नोमिनेसनमा परेकाे थियाे।