प्रत्यक्षदर्शीहरूका अनुसार विस्फोट हुँदा मानिसहरू क्यान्टिनमा खाजा खाइरहेका थिए ।

घाइतेमध्ये धेरैलाई उपचारका लागि तत्काल अस्पताल पु¥्याइएको र समाचार तयार पार्दासम्म उद्धारकार्य चलिरहेको छ ।

चीनको आपतकालीन व्यवस्थापन मन्त्रालयले उद्धार कार्यलाई अनुगमन गर्न विज्ञसहितको एउटा टोली पठाएको छ । आकस्मिक व्यवस्थापन मन्त्री हुआङ मिङले स्थितिको तत्काल निरीक्षण गर्न, घटनापछि फसेका पीडितको एकीन सङ्ख्या पत्ता लगाउन, दुर्घटनाको कारण पत्ता लगाउन र यस्ता दुर्घटनाफेरि हुन नदिन निर्देशन दिनुभएको छ ।

स्थानीय अग्नि नियन्त्रण तथा उद्धार विभागले उक्त स्थानमा २६० जना व्यावसायिक सदस्य र ५० वटा उद्धार यन्त्र पठाएको बताएको छ । मन्त्रालयका अनुसार २० वटा क्रेन र उत्खननका लागि साधनस्रोतले सुसज्जित ६० जना व्यावसायिक व्यक्तिलाई लगिएको छ ।