प्रधानमन्त्री शेरबहादुर देउवाको कोरोना परीक्षण रिपोर्ट नेगेटिभ आएको छ ।

एक सातामा दोस्रोपटक गरिएको पिसिआर परीक्षणको रिपोर्ट नेगेटिभ आएको हो ।

कन्ट्याक्ट ट्रेसिङमा परेका प्रधानमन्त्री देउवाले दुईपटक कोरोना परीक्षण गराउनुभएको थियो । अघिल्लो रिपोर्ट नेगेटिभ आए पनि उहाँले फेरि परीक्षण गराउनुभएको थियो । उहाँको दोस्रो रिपोर्ट पनि नेगेटिभ नै आएको प्रधानमन्त्रीको सचिवालयले जनाएको छ । नेपालमा पछिल्लो समय कोरोना संक्रमण तिव्र रुपमा बढिरहेको छ ।

माओवादी केन्द्रका अध्यक्ष पुष्पकमल दाहाल लगायतका नेताहरुसँगको बैठकमा प्रधानमन्त्री देउवा सहभागी हुनुभएको थियो । दाहाललाई कोरोना संक्रमण भएर अहिले होम आइसोलेसनमा रहनुभएको छ । त्यस लगत्तै प्रधानमन्त्रीको कोरोना जाँच गरिएको थियो ।