मुम्बई । भारतको चर्चित टिभी सिरिज ‘बिगबोस १५’ समाप्तीको नजिक पुगेको छ । सो सकिन केही दिनमात्र बाँकी रहँदा यसमा थुप्रै ट्वीस्ट देखिएका छन् ।

यसैसाता दुईजना प्रतिस्पर्धी एकैपटक घरबाट बाहिरिएका छन् जसमा अभिजित बिचुकाली र डेभालिना भटाचार्जी छन् ।

ती दुईजना बाहिरिएपछि अहिले हाउसमा करण कुन्द्रा, समिता सेट्टी, प्रतीक सेहजपाल, निशान्त भाट, तेजस्वी प्रकाश, रश्मी देसाइ र राखी सावन्त छन् ।

घरमा रहेका सातमध्ये ६ जनामात्र अन्तिम चरणमा प्रवेश गर्नेछन् । यससाता अर्को एकजना आउट हुनेछन् । फिनाली प्रवेश गर्ने ६ जनाको भाग्य त्यहाँ उपस्थित हुने दर्शकमा निर्भर हुनेछ जसलाई विशेष अधिकार पनि दिइएको छ ।