मेलबर्न । विश्व नम्बर एक असलेग बार्टी वर्षको पहिलो ग्रान्डस्लाम टेनिस अष्ट्रेलियन ओपनको फाइनलमा पुगेकी छन्।
बार्टीले बिहीबार भएको सेमिफाइनलमा मेडिसन किजलाई सोझो सेटमा पराजित गरिन् । पहिलो सेट ६-१ ले जितेकी बार्टीले दोस्रो सेट ६-३ ले आफ्नो पक्षमा पार्दै फाइनलमा स्थान बनाएकी हुन् ।
२५ वर्षीया घरेलु खेलाडी बार्टीले यसअघि सन् २०१९ मा फ्रेन्च ओपन र २०२१ मा विम्बल्डन जितेकी थिइन् ।
अष्ट्रेलियन ओपनमा पहिलोपटक फाइनल पुगेकी हुन् । उनले उपाधिका लागि ड्यानियली कोलिन्स र इगा स्वियाटेकबीच हुने खेलको विजेतासँग प्रतिस्पर्धा गर्नेछिन् ।
