इंग्लिस प्रिमियर लिग फुटबलअन्तर्गत चेल्सीले जित हात पारेको छ। आइतबार राति सम्पन्न खेलमा चेल्सीले न्युकासल युनाइटेडमाथि १–० गोल अन्तरको झिनो जित  निकालेको हो।

घरेलु मैदानमा चेल्सीलाई जित दिलाउन काई हाभर्टजले निर्णायक गोल गरे। हाभर्टजले खेलको ८९ औं मिनेटमा गोल गरेका हुन्।

जितसँगै २८ खेलमा ५९ अंक जोडेको चेल्सी लिगको तेस्रो स्थानमा यथावत् रहेको छ। समान खेलबाट ६९ अंक जोडेको म्यानचेस्टर सिटी लिगको शीर्ष स्थानमा रहेको छ भने ६६ अंकका साथ लिभरपुल दोस्रो स्थानमा छ।

दुई खेल कम खेलेको आर्सनल ५१ अंकका साथ चौथो स्थानमा रहेको छ। पराजित न्युकासल ३१ अंक जोडेर १४ औं स्थानमा रहेको छ।