नवजात शिशुको शव कुकुरले च्यापेर हिँडिरहेको घटनाबारे अस्पतालको प्रस्टीकरण

- बेल संचार
- १९ चैत्र २०७८, शनिबार

अ -
अ
अ +

कमेन्ट

प्रदेश अस्पताल सुर्खेतले अस्पताल परिसरमा कुकुरले नवजात शिशुको शव च्यापेर हिँडिरहेको घटनालाई अनुसन्धान गरी दोषीलाई कारबाही गर्न अनुरोध गरेको छ।

कुकुरले नवजात शिशुको शव च्यापेको फोटो आज बिहानैदेखि सामाजिक सञ्जालमा भाइरल भएपछि अस्पताल प्रशासनले घटनामा आफ्नो लापरबाही नभएको प्रस्टीकरण दिएको हो। अस्पतालले दोषीलाई कानुनी दायरामा ल्याउन प्रहरीलाई पत्राचार गरिसकेको जनाएको छ।

अस्पतालका प्रवक्ता डा विकास केसीले कुकुरले शव च्यापेर हिँडिरहेको देख्नासाथ चिकित्सक तथा नर्सिङ अधिकृतलाई परिचालन गरी छानबिन सुरू गरेको जानकारी दिए।

डा. केसीद्वारा हस्ताक्षरित विज्ञप्तिमा भनिएको छ, ‘सिसिटिभी फुटेज हेर्दा अस्पतालको उत्तरतर्फको झाडी भएको क्षेत्रबाट बिहान करिब ७:३७ मिनेटमा कुकुरले मृत शिशु च्यापी अस्पतालमा प्रवेश गरेको देखिन्छ।’

नवजात शिशुको रेकर्ड हेर्दा विगत एक सातादेखि दुई जनाको मात्र मृत्यु भएको र ती शव आ–आफ्नो संस्कारअनुसार अन्त्येष्टि गर्न अभिभावकलाई जिम्मा लगाइएको विज्ञप्तिमा उल्लेख छ।

आज बिहान अस्पताल भर्ना भएका एक बिरामीका कुरूवाले तस्वीर सामाजिक सञ्जाल फेसबुकमार्फत् सार्वजनिक गर्नासाथ अस्पतालको लापरबाही भन्दै टीकाटिप्पणी भएको थियो।

कुकुरले टाउको नभएको शिशुको शव च्यापेर हिँडिरहेको देखेपछि अस्पतालका सुरक्षा गार्डले कुकुरबाट उक्त शव खोसेका थिए।

प्रसूति वार्डबाटै कुकुरले शिशु लिएको अपवाह फैलाइएको भन्दै अस्पताल प्रशासनले आपत्ति जनाएको छ।

सम्बन्धित विषय :

तपाईको प्रतिक्रिया दिनुहोस्

ताजा खबर

कमेन्ट

नेपालमा हेरचाह कार्य, अर्थतन्त्रको अवस्था र वित्तीय व्यवस्थापनका चुनौती सम्बन्धमा अन्तरक्रिया

ग्लोबल आइएमई बैंकद्वारा कोहलपुरमा विधुतीय शवदाह गृह निर्माणलाई २० लाख सहयोग

संघीय संसदका सदस्यहरूसँग संयुक्त राष्ट्रसंघिय कर सम्मेलन र नेपालका सन्दर्भमा कर न्याय सम्बन्धी अन्तरक्रिया

प्रधानमन्त्रीसँग ४० सदस्यीय सरकारी टोली चीन सहभागी हुने

प्रधानमन्त्रीबाट नेशनल मेडिकल कलेजका अध्यक्ष प्रा.डा. अन्सारी सम्मानित

नेपालमा हेरचाह कार्य, अर्थतन्त्रको अवस्था र वित्तीय व्यवस्थापनका चुनौती सम्बन्धमा अन्तरक्रिया

ग्लोबल आइएमई बैंकद्वारा कोहलपुरमा विधुतीय शवदाह गृह निर्माणलाई २० लाख सहयोग

संघीय संसदका सदस्यहरूसँग संयुक्त राष्ट्रसंघिय कर सम्मेलन र नेपालका सन्दर्भमा कर न्याय सम्बन्धी अन्तरक्रिया

प्रधानमन्त्रीसँग ४० सदस्यीय सरकारी टोली चीन सहभागी हुने

सर्च गर्नुहोस्