काठमाडौं । बलेफी हाइड्रोपावर कम्पनीको धितोपत्रको प्राथमिक सार्वजनिक निष्कासन (आईपीओ) बाँडफाँड भएको छ । मंगलबार बिहान कम्पनीको सेयर निकासन तथा बिक्री प्रबन्धक ग्लोबल आईएमई क्यापिटलले आईपीओ बाँडफाँड भएको जनाएको छ ।
कम्पनीको आईपीओमा मागभन्दा बढी आवेदन परेकोले धितोपत्र निष्कासन तथा बाँडफाँड नियमावलीअनुसार गोलाप्रथाबाट बाँडफाँड गरिँदा एक लाख ६६ हजार ३४५ जनाले १० कित्ताको दरले सेयर पाएका छन् । त्यसमध्ये तीनजनालाई बाँकी रहेको तीन कित्ता सेयर एक÷एक कित्ताको दरले वितरण गरिएको छ ।
कम्पनीको आईपीओमा २१ लाख ७१ हजार ७ सय ४० जनाले दुई करोड ४४ लाख ७४० कित्ताका लागि आवेदन दिएका थिए । त्यसमध्ये तीन हजार ६४० जनाको आवेदन रद्द भएको बिक्री प्रबन्धकले जनाएको छ । त्यसअनुसार २१ लाख ६८ हजार १०० जनाको मात्रै आवेदन सदर भएको छ ।
