नयाँ ड्रेस कोडअनुसार अब शिक्षकहरुले पढाउन जाँदा गाढा खैरो कलरको सुट, हल्का निलो शर्ट र कालो जुत्ता लगाएर जानुपर्ने छ । त्यस्तै, ज्याकेट लगाउने शिक्षकहरुले गाढा खैरो र स्विटर कलेजी रंगको लगाउनु पर्नेछ । साडी, कुर्तासुरुवाल र ब्लाउज पुरानै भने कायम गरिएको छ ।

‘विद्यालयमा कार्यरत शिक्षक, कर्मचारीहरुको हाल प्रचलनमा रहेको पोशाक परिवर्तन गर्ने सन्दर्भमा नेपाल शिक्षक महासंघबाट समेत अनुरोध भई आएको हुँदा देहाय बमोजिम हुनेगरी पोशाक परिवर्तन गरिएको व्यहोरा यस केन्द्रको मिति २०७९ जेठ ६ गतेको निर्णनुसार अनुरोध छ’, पत्रमा भनिएको छ, ‘तोकिए अनुसारको पोशाक चालू शैक्षिक सत्रभित्र कार्यन्वयनको व्यवस्था मिलाउनुहुन अनुरोध छ ।’

नयाँ पोशाकको नमूना नेपाल शिक्षक महासंघबाट प्राप्त गर्न सकिने जनाइएको छ ।