स्थानिय तह निर्वाचन अन्तर्गत गत बैशाख ३० गते भएको निर्वाचनको मतपरिणाम अझै आउने क्रममा छ। देशभरका ७५३ पालिकामध्ये हालसम्म ७३८ पालिकाको मतपरिणाम सार्वजनिक भैसकेको छ । जसमा नेपाली कांग्रेस सबै भन्दा धेरै पालिकामा निर्वाचित हुँदै पहिलो स्थानमा छ भने नेकपा एमाले दोस्रो स्थानमा छ ।
हालसम्म नेपाली कांग्रेसले ३२२ पालिका जितेको छ भने नेकपा एमालेले २०२ र नेकपा माओवादी केन्द्रले १२० पालिकामा निर्वाचित भएका छन् । यसैगरी नेकपा एकीकृत समाजवादीले ११, जनता समाजवादी पार्टीले २१ र अन्य पार्टीले ६२ पालिका जितेका छन्।
निर्वाचन आयोगको पछिल्लो डाटामा समाविष्ट तथ्याङ्कअनुसार नेपाली काँग्रेसले १३४ पालिकामा प्रमुख पद जितेको छ भने चार पालिकामा अग्रता लिएको छ।
यस्तै, नेकपा एमालेले ७९ पालिकामा प्रमुख पद निर्वाचित भएको छ भने तीन पालिकामा अग्रता लिएको छ । नेकपा माओवादी केन्द्रले २४ पालिकामा प्रमुख पद जितेको छ भने दुई पालिकामा अग्रता लिएको छ। यस्तै, नेकपा एकीकृत समाजवादीले ११ पालिकामा प्रमुख पद जितेको छ भने एक पालिकामा अग्रता कायम गरेको छ।
यस्तै, अन्य पार्टीले ३० पालिकामा प्रमुख पद जितेका छन् भने तीन पालिकामा अग्रता बनाएका छन् । ४६० गाउँपालिकातर्फ सबै पालिका अध्यक्षको टुंगो लागेको छ जसअन्तर्गत कांग्रेसले १८८ पालिकामा अध्यक्ष पद जितेको छ । एमालेले १२३ पालिकामा अध्यक्ष पद जितेको छ । माओवादी केन्द्रले ९६ पालिकामा अध्यक्ष पद जितेको छ ।
जनता समाजवादी पार्टीले २१ पालिकामा अध्यक्ष पद जितेको छ । यस्तै, अन्य पार्टीले ३२ पालिकामा अध्यक्ष पद जितेका छन् । यस्तै, काँगेसले १०५ पालिकामा उपप्रमुख पद जितेको छ भने पाँच पालिकामा अग्रता लिएको छ। यस्तै, एमालेले १०६ पालिकामा उपप्रमुख पद जितेको छ भने सात पालिकामा अग्रता लिएको छ। माओवादी केन्द्रले ३३ पालिकामा उपप्रमुख पद जितेर कुनै पालिकामा अग्रता बनाएको छैन ।
जनता समाजवादीले ११ पालिकामा उपप्रमुख पद जितेको छ भने एक् पालिकामा अग्रता बनाएको छ । अन्यले २३ पालिकामा उपप्रमुख पद जितेका छन् भने कुनै पालिकामा अग्रता बनाएको छैन । यस्तै, काँग्रेसले १९० पालिकामा उपाध्यक्ष पद जितेको छ भने अग्रता लिएको छैन्। एमालेले १२६ पालिकामा उपाध्यक्ष पद जितेको छ भने अग्रता लिएको छैन ।
माओवादी केन्द्रले ९५ पालिकामा उपाध्यक्ष पद जितेको छ भने कुनै पालिकामा अग्रता लिएको छैन। जनता समाजवादी पार्टीले १९ पालिकामा उपाध्यक्ष पद जितेको छ भने कुनै पालिकामा अग्रता बनाएको छैन।
अन्यले ३० पालिकामा उपाध्यक्ष पद जितेका छन् भने दुई अग्रता लिएका छैनन्। यस्तै, काँग्रेसले दुई हजार ६३१ वटा वडामा अध्यक्ष जितेर दुई वटा वडामा अग्रता लिइरहेको छ। एमालेले दुई हजार १११ वटा वडा जित्दा कुनै वडामा अग्रता लिएको छैन । नेकपा माओवादी केन्द्रले एक हजार ४८ वटा वडामा अध्यक्ष जितेको छ। अग्रता लिएको छैन ।
यस्तै, जनता समाजवादी पार्टीले २८८ वटा वडामा अध्यक्ष जितेको छ भने कुनै वडामा अग्रता लिएको छैन । अन्यले ५८४ वटा वडा जितेका छन् भने दुई वटामा अग्रता लिएका छन्।
