आज दिउँसो देशको विभिन्न ५ वटा प्रदेशमा मेघगर्जन/चट्याङ्गसहित हल्कादेखि मध्यम वर्षाको सम्भावना रहेको छ।

बागमती, गण्डकी, लुम्बिनी, कर्णाली र सुदूरपश्चिम प्रदेशका पहाडी भू-भागका केही स्थानहरूमा  र बाँकी भू-भागका थोरै स्थानहरूमा मेघगर्जन/चट्याङ्गसहित हल्कादेखि मध्यम वर्षाको सम्भावना रहेको जल तथा मौसम विज्ञान विभागको मौसम पूर्वानुमान महाशाखाले जनाएको छ।

यस्तै आज राति देशको पहाडी भू-भागमा आंशिकदेखि सामान्य बदली रहने पूर्वानुमान रहेको छ। प्रदेश १ लगायत देशको पहाडी भू-भागका थोरै स्थानहरूमा हल्कादेखि मध्यम वर्षा हुने विभागले जनाएको छ।