अमेरिकी माइक्रोब्लग सामाजिक सञ्जाल ट्वीटरले एलन मस्कसँग कम्पनी बेच्ने सम्झौताका लागि ३३ मिलियन खर्च गरेको खुलेको छ ।
कम्पनीले विश्वकै धनी व्यक्ती मस्कलाई ट्वीटर हस्तान्तरण गर्नका लागि ३ महिनाको अवधिमा करोडौं डलर खर्च गरेको जनाएको हो ।
कम्पनी र ट्वीटर खरिद–बिक्रीका लागि राजी भएयता अप्रिलदेखि जूनसम्मको अवधिमा उक्त खर्च भएको बेलायती समाचार संस्था बीबीसीले जनाएको छ ।
मस्कले ट्वीटर किन्ने हल्लापछि दैनिक प्रयोगकर्ताको संख्या बढेर २३७ मिलियन पुगेको थियो ।
तर, यससँगै, कम्पनीको खर्च पनि बढेको बताइएको छ । प्रयोगकर्ताको संख्यामा वृद्धि आएपछि कम्पनीले २७० मिलियन डलरको घाटा ब्यहोरेको समेत बताइएको छ ।
तर, ट्वीटर बेच्ने–किन्ने विषय अघि बढिसकेपछि मस्क आफ्नो योजनाबाट पछि हटेका थिए ।
मस्क र कम्पनीका लगानीकर्ता ट्वीटरको खरिद–बिक्रीका लागि राजी भएपछि ट्वीटरले डुब्लिकेट खाताको संख्या दोब्बरले घटाएको थियो ।
जसलाई कारण देखाउँदै मस्कले सम्झौता नै रद्ध गर्ने घोषणा गरे ।
‘हामीले डुब्लिकेट र स्पाम खाताहरूको संख्या घटाउने अभियान चलाएका छौं,’ कम्पनी भन्छ, ‘अबको केही महिनाभित्र नक्कली खाताको संख्या वास्तविक प्रयोगकर्ताकोभन्दा ५ प्रतिशतले कम हुने छ ।’
सन् २०२१ मा ट्वीटरको राजश्व संकलन ५ बिलियन अमेरिकी डलर थियो । यो पछिल्लो केही महिनायता ४५ प्रतिशतसम्मले घटेको छ ।
