प्रधानमन्त्री शेरबहादुर देउवाले मुलुकमा निर्माण भएका र निर्माणको चरणमा रहेका शहरहरूलाई व्यवस्थित र योजनाबद्ध रूपमा अगाडि बढाउनुपर्ने बताउनुभएको छ । शनिबार १ अर्ब ११ करोडको लागतमा बुटवलमा निर्माण भएको बुटवल अन्तर्राष्ट्रिय सम्मेलन केन्द्रको उद्घाटन गर्दै उहाँले सो कुरा बताउनुभएको हो ।

प्रधानमन्त्री देउवाले व्यवस्थित शहरीकरण आजको आवश्यकता भएको उहाँको भनाइ थियो । उहाँले व्यवस्थित शहर नहुँदा स्वास्थ्य विपत्ति र सामाजिक विकृति फैलिने गरेको बताउनुभयो । व्यवस्थित शहरीकरणबाट मात्रै आर्थिक, सामाजिक र शैक्षिक गतिविधिले गति लिन सक्ने बताउँदै उहाँले यसबाट मात्र दिगो विकास लक्ष्य हासिल गर्न सकिने स्पष्ट पार्नुभयो । बुटवलमा बनेको अन्तर्राष्ट्रिय सम्मेलन केन्द्रले यहाँको पर्यटकीय, आर्थिक र शैक्षिक विकासमा योगदान पु¥याउने विश्वास व्यक्त गर्दै देउवाले यसलाई व्यवस्थित रूपमा चलाउनुपर्नेमा जोड दिनुभयो ।