काठमाडौं । सोमबार सेयर बजारमा ४.५७ अंकको वृद्धि भएको छ । दिनभर उतारचढाव देखिएको बजार अन्तिम समयमा भने बढेको हो ।

०.२२ प्रतिशतले वृद्धि भएको सेयर बजार २१००.६५ बिन्दुमा पुगेर बन्द भएको छ ।

सोमबार २५९ धितोपत्रको २९ हजार ८४६ वटा कारोबारबाट ३९ लाख २२ हजार २१६ कित्ता सेयर किनबेच हुँदा १ अर्ब ४७ करोड ४१ लाख ६१ हजार ६४५ रुपैयाँ बराबरको कारोबार भएको छ ।

सोमबार आदर्श लघुवित्त वित्तीय संस्थाको सकारात्मक सर्किट लेबलमा कारोबार भएको छ ।

यो कम्पनीको लगातार तेस्रो कारोबार मूल्य बढेको हो । माहुली लघुवित्तको ५.५१, युनिभर्सल पावर, सिभिल लघुवित्तको मूल्य धेरैले बढेको छ ।

सोमबार सबैभन्दा धेरै लक्ष्मी बैंक डिभेन्चरको मूल्य घट्यो । बाराही हाइड्रो, मिथिला लघुवित्तसहितका कम्पनीको मूल्य धेरै घट्नेमा रहेको छ ।

एनआईसी एसिया बैंक, युनिभर्सल पावर, नेपाल लाइफ इन्स्योरेन्ससहितका कम्पनीको धेरै कारोबार भएको छ ।