काठमाडौं । आईसीसी क्रिकेट विश्वकप लिग टू अन्तर्गत अन्तिम त्रिकोणात्मक शृंखलाको पहिलो खेलमा नेपालले पपुवा न्यु गिनी (पीएनजी) विरुद्ध ब्याटिङ गरिरहेको छ ।
टीयू मैदानमा टस हारेपछि नेपाली टोलीले पहिले ब्याटिङ गर्ने निम्तो पाएको हो ।
कुशल भुर्तेल र आशिफ सेखको पुरानै जोडीले ओपनिङ गरेका छन् । यसअघि यूएई शृङ्खलामा चोटका कारण सबै खेल खेल्न नपाएका कुशल भुर्तेल आज प्लेइङमा परेका हुन् ।
यूएईबाटै ओडीआईमा डेब्यु गरेका प्रतिश जिसी भने बेन्चमा रहने छन् ।
यसअघि भएका दुई शृङ्खलामा नेपालले लगातार पीएनजीलाई पराजित गरेको थियो ।
नेपाल यो शृङ्खलाका सबै चार खेल जित्ने लक्ष्य राखेको छ । यसअघि टियू मैदानमा शृङ्खला क्लिन स्वीप गरेको नेपाली टोली यसपटक पनि दोहोर्याउन चाहन्छ ।
यो शृङ्खलाका चार खेल जिते नेपालले शीर्ष तीनमा रहेर वर्डकप क्वालिफायर खेल्न पाउने छ । शृङ्खलामा नेपालले पीएनजी र यूएईसँग दुई/दुई खेल खेल्नेछ ।
नेपालको प्लेइङ ११
आसिफ शेख, कुशल भुर्तेल, ज्ञानेन्द्र मल्ल, रोहित पौडेल, भिम शार्की, कुशल मल्ल, दीपेन्द्र सिंह ऐरी, आरिफ शेख, सोमपाल कामी, करण केसी, सन्दीप लामिछाने
