एजेन्सी

काठमाडौं । क्रिस्टियानो रोनाल्डो आफ्नो अल–नासर टीम साउदी प्रो लीगमा अल–इत्तिहादसँग १–० ले हारेपछि रिसाउँदै मैदानबाहिर निस्केका छन् । मैदानबाट निस्केर जाँदै गर्दा रोनाल्डोले पानीको बोतललाई लात हान्दै हिँडेका थिए ।

यस खेल सहित लगातार दोस्रोपटक रोनाल्डोले कुनै गोल गर्न सकेनन् । अल–इत्तिहादका गोलकीपर मार्सेलो ग्रोहेले रोनाल्डोको कडा प्रहारलाई गोल हुन दिएका थिएनन् ।

अल–इत्तिहादका रोमारिन्होले खेलको ८० मिनेटमा गोल गरी क्लबलाई जिताएका थिए । क्लबका समर्थकहरूले लगातार लियोनल मेसीको नाम लिएर रोनाल्डोलाई चिढ्याएका थिए ।

रोनाल्डोले लीगका सातवटा खेलमा आठ गोल गरेका छन् । मैदान छोड्नुअघि उनले क्याप्टेनको पट्टा निकालेका थिए र रिसको चुरमा त्यसलाई झण्डै फ्याँकेका थिए ।

पछि चाहिँ उनले पानीका बोतललाई लात हान्दै हिँडे ।