काठमाडौं ।
रुसको सेन्ट पिटर्सबर्गको एक क्याफेमा विष्फोट हुँदा रुसी सेनाका एक जनाको मृत्यु भएको छ भने १६ जना घाइते भएका छन् ।
रुसको गृह मन्त्रालयले सेनाका प्रमुख ब्लगर भ्लादलेन तातार्स्कीको मृत्यु भएको र १६ जना घाइते भएको पुष्टि गरेको हो ।
रुसको समाचार एजेन्सी आरआईएका अनुसार भ्लादलेनलाई उपहारको भनेर एक बट्टा दिइएको थियो ।
सोही बट्टामा भएको बम विष्फोट हुँदा उनको मृत्यु भएको गृह मन्त्रालय स्रोतलाई उद्धृत गर्दै रुसी समाचार एजेन्सी आरआईएले जनाएको छ ।
भ्लादलेनको खास नाम म्याक्सिम फोमिन हो । उनले युक्रेनमा रुसले गरेको आक्रमणको समर्थन गर्दै आएका थिए ।
