जुम्ला ।
सिँजा गाउँपालिका वडा नम्बर १ का लक्षित वर्ग जेष्ठ नागरिक, अपांग र युवालाई सम्मान गरिएको छ ।
जेष्ठ नागरिक १ सय १ जनालाई प्रत्येक एक व्यक्ति बराबर एक वटा थर्मश र एक वटा गिलासले सम्मान गरेको वडा अध्यक्ष हरिनन्द आचार्यले बताए ।
आचार्यका अनुसार अपांग ७ जना व्यक्तिलाई पनि एक एक थर्मश र गिलास दिइएको छ । भने साविकको धापा गाविस वडा १ देखि ५ सम्मका युवा वर्गलाई भलिबल ७ थान, फुटबल २ थान, जाली ७ थान, पम्प ९ थान दिएको अध्यक्ष आचार्यले बताए ।
लक्षित वर्गको लागि आर्थिक वर्ष २०७९ र ०८० को कूल बजेट ५ लाखको कार्यक्रम रहेको हो, वडा सचिव विशेस्वर खत्रीले बताए ।
दलित र महिलालाई सम्मान गर्न बाँकी नै छ । तर युवा , जेष्ठ नागरिक र अपांग वर्गको ३ लाखको बजेटले सामाग्री खरिद गरि सम्मान गरेको खत्रीले बताए ।
सो कार्यक्रमको प्रमुख अथिति सिँजा गाउँपालिका कावा अध्यक्ष सुरत वहादुर रावत रहनु भएको थियो । भने सभा अध्यक्ष सोही वडाका वडा अध्यक्ष आचार्य रहनु भएको थियो ।
