जुम्ला ।
जुम्लाको सिँजा गाउँपालिका वडा नम्बर १ जाँच गाउँमा भर्याङ्बाट खसेर एक बालिकाको मृत्यु भएको छ ।
वर्ष २ की आकाङ्क्षी बोगटी एक आपसमा बालबालिकाहरुसँग खेल्ने क्रममा भर्याङ् चढ्न खोज्दा भर्याङ र बालिकासँगै खसेर मृत्यु भएको सोही वडाका कावा अध्यक्ष विशेश्वर खत्रीले जानकारी दिनु भयो ।
खत्रीका अनुसार भर्याङ् र बालिकासँगै खसेर बालिकाको घाँटीमा भर्याङ्ले च्यापेर मृत्यु भएको बताए ।
मृतक बालिकाका आमाबाबा काम गर्न गएका र बज्यै घरभित्र रोटी हालि रहेछिन् ।
छिमेकी घरका बालबालिकासँग खेलिरहेको बेला बालिकाले भर्याङ चढ्न खोज्दा मृत्यु भएको मृतककी स्थानीय दिपक रोकायाले बताए ।
