काठमाडौं ।
एसीसी इमर्जिङ टिम्स एसिया कपमा नेपाली टिमका कप्तान रोहित पौडेलले भारत ए विरुद्ध अर्धशतक बनाएका छन् ।
कमजोर सुरुवात गरेको नेपालका लागि चौथो नम्बरमा ब्याटिङ गरेका रोहितले इनिङ्स सम्हालेका हुन् ।
उनले २८औं ओभरमा अर्धशतक प्रहार गरेका थिए । लिस्ट ए क्रिकेटमा रोहितको यो नवौं अर्धशतक हो ।
१० ओभरमै ५ विकेट गुमाएर ३४ रन बनाएको कमजोर अवस्थाबाट रोहित र सोमपाल कामीले छैटौं विकेटका लागि ५३ रनको साझेदारी गरेका थिए ।
सोमपाल १४ रन बनाएर आउट भएपछि अहिले रोहित र गुल्सन झा ले नेपालको इनिङ्स अगाडि बढाइरहेका छन् ।
