एसिया कपको सुपर ४ अन्तर्गत आज (आइतबार) भारत र पाकिस्तानबीचको खेल हुँदैछ ।
एकअर्काका चिरपरिचित प्रतिद्वन्द्वी भारत र पाकिस्तानबीचको खेल नेपाली समयानुसार दिउँसो सवा ३ बजे शुरू हुनेछ ।
यसअघि चरणमा भारत र पाकिस्तानबीचको खेल वर्षका कारण रद्द भएको थियो ।
भारतले ब्याटिङ गरेको भए पनि पाकिस्तानले ब्याटिङ गर्न पाएको थिएन ।
आजको खेलमा पनि वर्षा हुन सक्ने अनुमान छ । बीबीसीको मौसम पूर्वानुमान अनुसार खेलका क्रममा पानी पर्ने ४९ प्रतिशत सम्भावना छ ।
टसको समयमा पानी पर्ने सम्भावना ३४ प्रतिशत छ ।
अब भने वर्षाले खेल रोकिए पनि भोलिपल्ट पुनः हुने भएको छ । आजको खेल म्याचमा वर्षाले रोकिए सोही खेल भदौ २५ गते अर्थात् भोलि हुनेछ ।
