काठमाडौं
बिहीवार दिउँसो देशका पहाडी भू–भागमा आंशिक बदली रही बाँकी भू–भागमा मौसम सामान्यतया सफा रहने मौसम पूर्वानुमान महाशाखाले जनाएको छ ।
यस्तै देशका पहाडी भू–भागका एक–दुई स्थानमा मेघ गर्जन-चट्याङसहित हल्का वर्षाको सम्भावना रहेको छ ।
यसैगरी देशको उच्च पहाडी तथा हिमाली भू–भागका एक–दुई स्थानमा हल्का हिमपातको सम्भावना पनि रहेको अनुमान छ ।
‘राति देशभर आंशिक बदलीदेखि मौसम सामान्यतया सफा रहनेछ,’ महाशाखाले बिहीवार बिहान जारी गरेको सूचनामा उल्लेख छ ।
