दुई विद्यालयमा बालबालिका र वातावरण परियोजना सुरु काठमाडौँका
दुई विद्यालयमा बालबालिका र वातावरण परियोजना सुरु काठमाडौँका
    • Bell Sanchar

    • १९ असार २०८१, बुधबार

काठमाडौँ ।

एकीकृत सहरी विकास केन्द्र र बोटलर्स नेपाल लिमिटेडले काठमाडौँको भित्री क्षेत्रका दुई सामुदायिक विद्यालयबाट बाबा (बालबालिका र वातावरण) परियोजना औपचारिक रूपमा सुरु गरेको छ ।

काठमाडौँ महानगरपालिका (कामनपा), सहरी योजना आयोग र विद्यालयका प्रतिनिधिहरूको उपस्थितिमा एक प्रारम्भिक कार्यशालाको आयोजना गरेर उक्त कार्यक्रमको उद्घाटन गरिएको थियो ।

काठमाडौँ महानगरपालिकाले यस परियोजनाद्वारा यहाँका सरकारी शैक्षिक संस्थाहरूलाई थप प्रभावकारी बनाउने र शिक्षाको गुणस्तर बढाउने परिकल्पना गरेको छ ।  परियोजनामा सहभागी विद्यार्थीहरूलाई फोहोर व्यवस्थापन, रिसाइक्लिङ, पुनः प्रयोग, अप साइकलिङ, र फोहोरको वर्गीकरण जस्ता विविध विषयहरूको ज्ञान प्रदान गरिनेछ । उनीहरूलाई वातावरणीय समस्याहरू, वातावरण संरक्षणमा हाम्रो जिम्मेवारी जस्ता ज्ञान प्रदान गर्नु नै यस परियोजनाको मुख्य उद्देश्य हो ।

यो परियोजनालाई कामनपा वडा नं २२ मा रहेको हिमालय मावि र कामनपा वडा नं १२ मा रहेको श्री महेन्द्र सरस्वती सेवा आधारभूत विद्यालयमा पूरक कार्यक्रमका रूपमा राखिएको छ ।

साताकाे चर्चित
सम्बन्धित