काठमाडौँ ।

विभिन्न जिल्लामा ४ जना मृत फेला परेका छन् । नवलपरासी, कैलाली र अछाममा ४ जना मृत फेला परेका हुन् । नवलपरासी पूर्व मध्यबिन्दु नगरपालिका–१२ तमासपुरस्थित नारायणी नदी

किनारमा महिला मृत फेला परेकी छन् । मङ्गलवार मृत फेला परेकी उनको नाम, थर र वतन नखुलेको प्रहरीले जनाएको छ ।

सोही जिल्लाको गैँडाकोट नगरपालिका–१० खरखरेस्थित नारायणी नदीको किनारमा अन्दाजी ४२ वर्षीय पुरुष मृत फेला परेका छन् ।

उनको पनि नाम, थर, वतन नखुलेको प्रहरीले जनाएको छ । उता, अछामको साँफेबगर नगरपालिका–१४ नरिसरा ठुलो ढुङ्गास्थित खप्तड राष्ट्रिय निकुञ्जको जङ्गलमा पनि अन्दाजी  ५० वर्षीय पुरुष मङ्गलवार मृत अवस्थामा फेला परेका छन् । उनको  पनि नाम, थर, वतन नखुलेको प्रहरीको भनाई छ ।

त्यस्तै कैलालीमा पनि एक पुरुष मृत फेला परेका छन् । जिल्लाको गोदावरी नगरपालिका–२ बसपार्क रिङरोड जाने बाटो नजिकै डडेलधुरा अमरगढी नगरपालिका–७ बस्ने ५२ वर्षीय दत्तराज भट्टराई मङ्गलवार मृत अवस्थामा फेला परेका हुन् । सबै घटनाका सम्बन्धमा प्रहरीले आवश्यक अनुसन्धान भइरहेको जानकारी दिएको छ ।