काठमाडाैं ।

यदि कमला ह्यारिसले अमेरिकी राष्ट्रपति निर्वाचन जितिन् भने उनले इतिहास रच्नेछिन् र उनका पति डग एमहफले पनि इतिहास कायम गर्ने छन् ।

ह्यारिस संयुक्त राज्य अमेरिकाको करिब साढे दुई शताब्दीको अस्तित्वमा पहिलो महिला राष्ट्रपति बन्न सफल भइन् भने ५९ वर्षीय वकिल पहिलो फर्स्ट जेन्टलमेन बन्ने छन् ।

एमहफलाई आफ्नी पथप्रदर्शक ५९ वर्षीय श्रीमतीसँगै केही नयाँ गर्ने बानी भइसकेको छ । पहिलो महिला, अश्वेत र दक्षिण एसियाली उपराष्ट्रपतिका रूपमा ह्यारिसको सुरुआती उथलपुथल कार्यकालमा ऊर्जावान अभियानकर्ता र उनको प्रखर रक्षक साबित गर्दै एमहफ पहिलो सेकेन्ड जेन्टलमेनका रूपमा आफ्नो भूमिकामा आएका छन् ।

अर्को माइलस्टोनका रूपमा एमहफ कुनै अमेरिकी राष्ट्रपति वा उपराष्ट्रपतिको पहिलो यहुदी जीवनसाथी पनि हुन् । उनले राष्ट्रपति जो बाइडेनको प्रशासनमा यहुदीविरोधी भावनासँग लड्न निकै स्पष्ट भूमिका निर्वाह गरे ।

सम्भावित पहिलो फर्स्ट जेन्टलमेन हुने दाबीमा उनीसँग कुनै रेकर्ड छैन । उक्त उपाधि पूर्वराष्ट्रपति बिल क्लिन्टनले आफ्नी श्रीमती हिलारी क्लिन्टनको सन् २०१६ को असफल प्रतिस्पर्धाका क्रममा दाबी गरेका थिए ।

‘अहिले मैले आफ्नी श्रीमती टिकटको शीर्षमा हुन पाउँदा सम्मानित महसुस गरेको छु,’ उनले हालै एक पडकास्टलाई भनेका छन् ।

ह्यारिसको भाग्यमा अचानक आएको परिवर्तनले एमहफलाई निराश बनाएको छ । जो बाइडेन प्रतिस्पर्धाबाट बाहिर हुँदा आफू फोन बन्द गरेर जिममा रहँदा ह्यारिसबाट मिस गरिएका टेक्स्ट र कलहरूको बाढी आएको उनले बताए ।

डेमोक्रेटिक टिकटमा द्रुत रूपमा भएको परिवर्तनले के अमेरिका एक अश्वेत महिलालाई राष्ट्रपतिमा निर्वाचित गर्न नस्लवाद र लिङ्गवादलाई जित्न तयार छ भन्ने प्रश्न खडा गरेको छ ।

आंशिक रूपमा नस्लका आधारमा रिपब्लिकनहरूले पहिलादेखि नै उनीमाथि आक्रमण गरिरहेका छन् । एक अन्तरवार्ताकारले एमहफ ‘बेवकुफ यहुदी’ थिए भन्दा डोनाल्ड ट्रम्पले टाउको हल्लाएपछि मङ्गलबार ह्यारिसको अभियानले ‘ट्रम्पको सेकेन्ड जेन्टलमेनविरुद्ध घृणित हमला’को निन्दा गरेको थियो । ट्रम्प स्वयंले ह्यारिसलाई ‘यहुदीहरूले मन नपराउने’ बताएका थिए ।

तथापि एमहफले लामो समयदेखि आफूले पाएको राम्रो दिनसक्ने देखाएको छ ।

एमहफले सन् २०१३ मा क्यालिफोर्नियाको तत्कालीन महान्यायाधिवक्ता ह्यारिसलाई ब्लाइन्ड डेटमा भेटे र एक वर्षपछि उनीसँग विवाह गरे ।