काठमाडौं ।
रोनाल्डो आबद्ध अल नासर साउदी सुपर कपको फाइनलमा प्रवेश गरेको छ ।
रोनाल्डोकै एक गोल र अर्को असिस्ट प्रदानबाट अल ताओनलाई २–० ले पराजित गर्दै अल नासर साउदी सुपर कपको फाइनलमा प्रवेश गरेको हो ।
प्रिन्स सुल्तान बिन अब्दुलअजिज स्पोर्ट्स सिटी स्टेडियम अभामा बिहीबार राति भएको खेलको सातौं मिनेटमा अल नासरका लागि एमन अहमेदले गोल गर्दै अल नासरलाई पहिलो हाफमा १–० को अग्रता दिलाए ।
उनले रोनाल्डोको पासलाई सदुपयोग गरे ।
पहिलो गोलका लागि सहायता प्रदान गरेका रोनाल्डोले ५७औं मिनेटमा गोल गर्दै अल नासरको अग्रता दोब्बर पारे ।
रोनाल्डोले सुल्तान अल घनामको पासमा गोल गर्न सफल भएका थिए । त्यसपछि कुनै गोल हुन नसकेपछि अल नासर विजयी भयो र फाइनलमा पुग्यो ।
