काठमाडाैं।
अन्तर्राष्ट्रिय मुद्रा कोष (आईएमएफ)को एसिया प्रशान्त क्षेत्रका उपनिर्देशक रुपादत्त गुप्ताले नेपालको अर्थतन्त्र सुधार हुँदै गएको बताएकी छिन् ।
आइतबार अर्थ मन्त्रालयमा उपप्रधान एवं अर्थमन्त्री विष्णुप्रसाद पौडेलसँग भएको भेटवार्तामा उपनिर्देशक गुप्ताले नेपालको अर्थतन्त्र सुधार हुँदै गएको बताएकी हुन् ।
उनले नेपालमा लगानी सहजीकरणसम्बन्धी कानूनहरू परिमार्जन हुँदै गएको तथा राजस्व परिचालन रणनीति कार्यान्वयनमा आएको बताइन् ।
भेटमा अर्थमन्त्री पौडेलले अर्थतन्त्रलाई सुदृढ गर्न सरकारले योजनाबद्ध रूपमा काम गरिरहेको जानकारी दिए ।
