काठमाडौं

काठमाडौंमा जारी नेपाल प्रिमियर लिग (एनपीएल) क्रिकेट प्रतियोगितामा आज आइतबार पनि दुई खेल हुँदैछन्  ।

पहिलो खेल बिहान सवा ९ बजे काठमाडौं गुर्खाज र विराटनगर किङ्ग्सबीच हुने छ भने दिउँसो सवा १ बजे हुने दोस्रो खेलमा पोखरा एभेन्जर्स र सुदूरपश्चिम रोयल्स भिड्नेछन् । दुवै खेल कीर्तिपुरस्थित त्रिभुवन विश्वविद्यालयको क्रिकेट  मैदानमा हुनेछन् ।

काठमाडौं र विराटनगरको यो समूह चरणको अन्तिम खेल हो । यसअघिका ६ खेलमध्ये काठमाडौं तीन खेलमा विजयी भएको छ । विराटनगर किङ्ग्सले ६ मध्ये दुई खेल मात्र जितेको छ ।

पोखराको पनि यो अन्तिम खेल हो । उसले पनि दुई खेलमात्र जितेको छ । सुदूरपश्चिमको भने यो छैटौं खेल हो । सुदूरपश्चिमको टोली चार खेलमा विजयी भएको छ ।