जुम्ला ।
हिमाली जिल्लाहरूमा चिसो बढ्दै जाँदा विभिन्न स्वास्थ्य समस्या देखिने गरेका छन् । नराकोट स्वास्थ्य चौकीका प्रमुख जगत जिसीका अनुसार जाडो मौसममा विशेषगरी श्वासप्रश्वास र हाडजोर्नी सम्बन्धी समस्या व्यापक देखिने गर्दछ। चिसोका कारण ब्याक्टेरिया र भाइरस झन् सक्रिय हुने हुँदा यस्तो समस्या देखिने उहाँले बताउनु भयो।
प्रमुख जिसीले जाडोमा इन्फ्लुएन्जा र भाइरसका कारण रुघाखोकी, घाँटी दुख्ने, पिनास, र टन्सिलजस्ता समस्या सामान्यतया देखिने जानकारी गराउनुभयो। त्यस्तै, हाडजोर्नी र नसा च्यापिने समस्याले पनि बिरामीहरू स्वास्थ्य चौकीमा आउने क्रम बढेको उहाँले बताउनु भयो।
प्रमुख जिसीले यी उपायहरूको पालना गरेमा जाडो मौसममा हुने स्वास्थ्य समस्याबाट बच्न सकिने बताउनुभयो। हिमाली क्षेत्रमा चिसोको प्रभाव गम्भीर हुने भएकाले, सबैले विशेष सावधानी अपनाउनुपर्ने उहाँको सुझाव छ।
