म्याग्दी ।
म्याग्दीमा निर्माणाधीन राहुघाट हाइड्रोपावर परियोजनाको टिपर दुर्घटना हुँदा दुई जनाको ज्यान गएको छ।
दुर्घटनामा भारतका ३३ वर्षीय दशरथ यादव र ४० वर्षीय सहचालक शत्रुधन रजकको मृत्यु भएको म्याग्दी प्रहरी निरीक्षक राजन रायमाझीले जानकारी दिए।
भारतीय नम्बर प्लेटको डीपी २ ए ७५६८ टिपर पिप्लेमा रहेको हाइड्रोपावरको अडिट ३ बाट अडिट २ तर्फ जाँदै गर्दा दुर्घटनाग्रस्त भएको हो। दुर्घटनाको कारणबारे थप अनुसन्धान भइरहेको प्रहरीले जनाएको छ।
मृतक दुवै जना राहुघाट हाइड्रोपावर परियोजनामा काम गरिरहेका मजदुर रहेको र घटनाले हाइड्रोपावर निर्माण कार्यमा शोकको वातावरण सृजना गरेको बताइएको छ।
