काठमाडौँ ।
भक्तपुरको मध्यपुर थिमी–२ मा स्कुटर दुर्घटना हुँदा एकजनाको मृत्यु भएको छ भने अर्का गम्भीर घाइते भएका छन्।
सानोथिमीबाट मगरगाउँतर्फ जाँदै गरेको बागमती प्रदेश–०२–०२८ प ६६१० नम्बरको स्कुटर अनियन्त्रित भई दुर्घटना भएको जिल्ला प्रहरी परिसर भक्तपुरका डीएसपी ढुण्डीराज नेउपानेले जानकारी दिए।
दुर्घटनामा सानोथिमीका ३१ वर्षीय निश्चल प्रकाशराज भण्डारी गम्भीर घाइते भई उपचारका क्रममा ज्यान गुमाएका छन्।
स्कुटरको पछाडि सवार उनकी पत्नी २८ वर्षीया पूजा श्रेष्ठको नर्भिक अस्पतालमा उपचार भइरहेको छ।
प्रहरीले स्कुटरलाई नियन्त्रणमा लिएर घटनाबारे थप अनुसन्धान गरिरहेको छ।
