जुम्ला।

जुम्लाको कनकासुन्दरी स्थित इलाका प्रहरी कार्यालय हाडसिंजाका प्रमुख भक्तबहादुर रावलको निधन भएको छ। ५० वर्षे रावलको हृदयघातका कारण मृत्यु भएको हो। इलाका प्रहरीचौकीबाट कर्णाली स्वास्थ्य विज्ञान प्रतिष्ठान शिक्षण अस्पताल जुम्लामा पु¥याइसकेपछि उपचारका क्रममा निधन भएको थियो।

सुगर र प्रेसरका बिरामी रावलले राति १० बजेतिर मुटु दुखेको बताएका थिए। जिल्ला प्रहरी कार्यालय जुम्लाका प्रमुख डिएसपी छेदिलाल कामतीका अनुसार बिरामी भएको खबर प्राप्त हुने वित्तिकै एम्बुलेन्समा कर्णाली स्वास्थ्य विज्ञान प्रतिष्ठान शिक्षण अस्पताल जुम्लामा ल्याउन भनिएको थियो।

मृतक रावल एक महिना अघि मात्रै इलाका प्रहरीचौकीको प्रमुख बनेर खटिएका थिए। बाजुरा जिल्ला स्थायी घर भएका रावलको परिवार अहिले कैलाली चिसापानीमा बस्दै आएको छ।

प्रमुख जिल्ला अधिकारी रामबहादुर शाहीले इलाका प्रहरीचौकीका प्रमुख रावलको निधनले स्तब्ध बनाएको बताए। उनका अनुसार उनलाई समयमै अस्पताल पु¥याएको भएपनि बचाउन नसिकएको हो। प्रहरीका अनुसार विहान ४ बजेर ५ मिनेटमा चिकित्सकले मृत घोषणा गरेका थिए। प्रक्रिया अनुसार शव लैजाने प्रक्रिया सुरु भएको प्रहरी प्रमुख डिएसपी कामतीले जानकारी दिए।