कञ्चनपुर ।
कञ्चनपुरमा एक सातादेखि निरन्तर शीतलहर चलेपछि अत्यधिक चिसोले विद्यालयको पठनपाठन प्रभावित भएपछि स्थानीय तहले विद्यालयमा बिदा दिएका छन्।
शुक्लाफाँटा, पुनर्वास, र कृष्णपुर नगरपालिकाले विद्यार्थीको स्वास्थ्यमा प्रतिकूल असर पर्ने देखिएकाले बिदा दिने निर्णय गरेका हुन्।
शुक्लाफाँटा नगरपालिकाका प्रमुख प्रशासकीय अधिकृत खेमराज विष्टले नगर क्षेत्रका सामुदायिक र संस्थागत विद्यालयहरूमा पुस २५ देखि २८ गतेसम्म बिदा दिइएको जानकारी दिए।
कृष्णपुर नगरपालिकाले जाडो बिदाबाट मिलान हुने गरी पुस २३ देखि २८ गतेसम्मका लागि विद्यालयमा बिदा दिएको जनाएको छ।
