रुकुमकोट ।
मध्यपहाडी राजमार्ग अन्तर्गत रुकुम पूर्वको सिस्ने गाउँपालिका वडा नम्बर ५ धारापानीमा जिप दुर्घटना हुँदा चार जना घाइते भएका छन्।
पोखराबाट रुकुमकोट आउँदै गरेको ग १ ज ७१०८ नम्बरको जिप विहीबार बिहान ३ः३० बजे दुर्घटना भएको हो।
घाइते हुनेमा रुकुम पूर्वका प्रेम कामी (२२), जिप चालक जुतेस शेर्पाली (२१), बारा घरका सर्पराज देवा (१८) र चन्द कुमार देवा (१८) रहेका छन्।
जिपको टायर फुस्केपछि दुर्घटना भएको बताइएको छ।
घाइतेहरूलाई रुकुमपूर्वको जिल्ला अस्पतालमा प्राथमिक उपचारपछि थप उपचारका लागि रुकुम पश्चिमको मुसिकोट खलंगामा रिफर गरिएको छ।
