काठमाडौं ।
प्रधानमन्त्री केपी शर्मा ओलीले काठमाडौंमा आयोजित अनेरास्ववियुको स्ववियु चुनाव कार्यशालालाई सम्बोधन गर्दै आफूलाई चिन्न छाडेको उल्लेख गरेका छन्।
उनले आफू साधारण र इमानदार मान्छे भएको बताउँदै, आफ्नो मूल्याङ्कन स्वयम् गरेका थिए।
ओलीले कार्यक्रममा ‘केपी ओली को हो?’ भन्ने प्रश्न गर्दै, आफूले साधारण र इमानदार व्यक्तिको रूपमा काम गरिरहेको बताए।
उनले एमाले र आफूलाई सिध्याउने कोसिस गर्नेहरूलाई लक्षित गर्दै, ‘झिंगाले सरापेर डिंगा नमर्ने’ भन्दै, आलोचकहरूको प्रयासलाई असफल ठहराए।
कार्यक्रममा उनले एमालेलाई समाप्त गर्ने धम्की दिनेहरूप्रति कटाक्ष गर्दै, ‘एमालेलाई सिध्याउँछौं’ भन्नेहरूले अनेक उपाय अपनाएको तर तिनले एमालेको अस्तित्व समाप्त गर्न नसक्ने दाबी गरे।
उनले ‘झिंगाले सराप्दा डिंगा मर्दैन’ भन्ने उखान प्रयोग गर्दै विरोधीहरूको आलोचना गरे।
