काठमाडौं

प्रधानमन्त्री केपी शर्मा ओलीसँग राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङ्देनले भेटवार्ता गरेका छन्।

बिहीबार साँझ प्रधानमन्त्री निवासमा भएको भेटमा दुवै नेताबीच विविध विषयमा लामो छलफल भएको अध्यक्ष लिङ्देनले जानकारी दिए।

राष्ट्रिय एकता दिवस तथा पृथ्वी जयन्तीका अवसरमा यही पुस २७ गते राप्रपाले काठमाडौंको भृकुटीमण्डपमा आयोजना गर्न लागेको चियापान कार्यक्रममा निमन्त्रणा दिन अध्यक्ष लिङ्देन प्रधानमन्त्री ओलीलाई भेट्न पुगेका थिए। भेटका क्रममा आगामी कार्यक्रम र राष्ट्रिय महत्वका विषयमा कुराकानी भएको जनाइएको छ।