काठमाडौँ ।
राष्ट्रनिर्माता पृथ्वीनारायण शाहको ३०३औँ जन्मजयन्ती तथा राष्ट्रिय एकता दिवसको अवसरमा राष्ट्रपति रामचन्द्र पौडेलले सिंहदरबार पश्चिम मूलद्वारस्थित शाहको सालिकमा माल्यार्पण गरेका छन्।
यस अवसरमा देशभर विभिन्न कार्यक्रमहरू आयोजना गरिएका छन्। राष्ट्रिय प्रजातन्त्र पार्टी (राप्रपा) र राप्रपा नेपालले चियापानसहित औपचारिक कार्यक्रमहरू सम्पन्न गरेका छन्
हरेक वर्ष पुस २७ गते मनाइने राष्ट्रिय एकता दिवसले नेपाल एकीकरण अभियानको गौरवमय इतिहासको स्मरण गराउँछ। यसले सार्वभौमसत्ता र भौगोलिक अखण्डताको रक्षा गर्दै ‘समृद्ध नेपाल, सुखी नेपाली’ को साझा राष्ट्रिय संकल्प साकार पार्न सबैलाई प्रेरणा प्रदान गर्ने विश्वास लिइएको छ।
