काठमाडाैं ।
नेपाल कम्युनिस्ट पार्टी (माओवादी केन्द्र) का अध्यक्ष पुष्पकमल दाहाल ‘प्रचण्ड’ले सिन्धुपाल्चोकको तातोपानी नाका पुनः सञ्चालनमा ल्याउन निरन्तर पहल गरिरहेको बताएका छन्।
उनले प्रधानमन्त्री पदमा रहँदा र नरहँदा पनि तातोपानी नाका पुनः सञ्चालनका लागि प्रयास गरिरहेको स्पष्ट पारेका छन्।
सिन्धुपाल्चोकको सुकुटेमा आयोजित बिच भलिबल प्रतियोगिताको उद्घाटन कार्यक्रमपछि पत्रकारहरूसँगको कुराकानीमा अध्यक्ष प्रचण्डले तातोपानी नाका सञ्चालन गर्न चीन सरकारसँग पटकपटक छलफल भएको जानकारी दिए। उनले दुई देशका उच्च तहबाट पहल र सहकार्य आवश्यक रहेको उल्लेख गर्दै, तातोपानी नाका पुनः सहज रूपमा सञ्चालनमा ल्याउन प्रयास जारी राखिने बताए।
त्यस अवसरमा अध्यक्ष प्रचण्डले बिच भलिबल प्रतियोगिताले सुकुटेको पर्यटन प्रवर्द्धनमा मद्दत पुग्ने विश्वास समेत व्यक्त गरे।
