काठमाडौँ ।

जिल्ला प्रहरी कार्यालय रौतहटले विभिन्न मुद्दामा फरार रहेका ४० जनालाई पक्राउ गरेको छ।

अदालतको फैसला कार्यान्वयन अन्तर्गत कैद तथा जरिवाना सजाय तोकिएका विभिन्न मुद्दाका ४० जना फरार प्रतिवादीलाई यस कार्यालय तथा मातहतबाट खटिएको प्रहरी टोलीले पक्राउ गरी आवश्यक कारबाहीको लागि रौतहट जिल्ला अदालतमा पठाइएको प्रहरीले जानकारी दिएको छ।

पक्राउ पर्नेहरूमा २० वर्ष जेल सजाय सुनाइएका कर्तव्य ज्यानका आरोपीदेखि, किर्ते जालसाजी, बिगो जरिवाना र चोरी घटनासम्मका अभियुक्त रहेका छन्।