काठमाडौं
सभामुख भुवनकुमार पाठकले जानकारी दिँदै प्रदेशसभाको पाँचौं अधिवेशन माघ १० गतेदेखि सञ्चालन गर्ने योजना रहेको बताए।
उनले भने, “प्रदेश सरकारको सिफारिसमा प्रदेश प्रमुखले अधिवेशन आह्वान गर्ने प्रावधान छ। प्रदेश सरकारले माघ १० गतेलाई अधिवेशन आह्वान गर्न प्रदेश प्रमुखलाई सिफारिस गर्ने तयारी गरेको छ। यसैअनुसार हामी अधिवेशन सञ्चालनको तयारीमा जुटिरहेका छौं। सम्भवतः आइतबार वा सोमबारसम्ममा प्रदेश सरकारबाट यसको आधिकारिक जानकारी आउँनेछ।”
यसअघि, २०८१ वैशाख ३१ गतेदेखि सञ्चालन भएको बागमती प्रदेशसभाको चौथो अधिवेशन असोज ७ गते सम्पन्न भएको थियो। उक्त अधिवेशनका ३८ बैठकले चारवटा विधेयक पारित गरेको थियो भने पाँचवटा विधेयक समितिमा पठाइएको थियो।
