काठमाडौं।
आज तराई र उपत्यकाका धेरै जिल्लामा घना हुस्सु र कुहिरो लागेको छ।
कर्णाली प्रदेश, सुदूरपश्चिम प्रदेश र गण्डकीका उच्च पहाडी तथा हिमाली भू-भागका केही स्थानहरूमा हिमपातको सम्भावना रहेको छ।
मौसम पूर्वानुमान महाशाखाका अनुसार कर्णाली र सुदूरपश्चिमका हिमाली क्षेत्रमा आज दिउँसो नै हिमपात हुने सम्भावना छ।
गण्डकी प्रदेशमा भने राति एक/दुई स्थानमा हिमपातको सम्भावना रहेको छ।
मधेश, कोशी, लुम्बिनी, र बागमती प्रदेशको मौसम भने मुख्यतया सफा रहने महाशाखाले जनाएको छ।
