चितवन ।

चितवनको भरतपुर महानगरपालिका-५, विकासचोकका ५५ वर्षीय शिवराज भण्डारीको गैँडाको आक्रमणबाट मृत्यु भएको छ।

जिल्ला प्रहरी कार्यालयका प्रमुख प्रहरी उपरीक्षक गौतम मिश्रले जानकारी दिएअनुसार, आक्रमणबाट गम्भीर घाइते भएका भण्डारीको उपचारका क्रममा आज बिहान निधन भएको हो।

भण्डारीलाई माघ ३ गते माडी नगरपालिका-१, ध्रुवचोकमा गैँडाले आक्रमण गरेको थियो।

आक्रमणपछि गम्भीर अवस्थामा रहेका उनलाई तत्काल अस्पतालमा उपचारका लागि लगिएको थियो, तर चिकित्सकहरूको प्रयासका बावजुद उनलाई बचाउन सकिएन।

प्रहरीले गैँडाको आक्रमणको विषयमा थप अनुसन्धान गरिरहेको जानकारी दिएको छ।