काठमाडौँ ।
अब नेपाली श्रमिकहरू संयुक्त अरब इमिरेट्स (युएई) बाटै श्रम स्वीकृति प्राप्त गर्न सक्ने भएका छन्। बिहीबार दुबईमा आयोजित एक कार्यक्रममार्फत श्रम, रोजगार तथा सामाजिक सुरक्षामन्त्री शरत्सिंह भण्डारीले औपचारिक रूपमा सेवा शुभारम्भ गरेका हुन्।
अबुधाबीस्थित नेपाली राजदूतावासका अनुसार मन्त्री भण्डारीले वैदेशिक रोजगारीमा रहेका नेपाली श्रमिकहरूको हित र सुविधालाई ध्यानमा राख्दै सरकारका सेवा-सुविधाहरूलाई प्रविधिमैत्री, सहज र सरल बनाउने नीति लिएको बताए।
उनका अनुसार,
संयुक्त अरब इमिरेट्सका लागि नेपालका राजदूत तेजबहादुर क्षेत्रीले श्रमिकका लागि दूतावासले गरिरहेका कामबारे जानकारी गराए। उनले अब ‘अनलाइन श्रम स्वीकृति’ सेवा दूतावासबाटै उपलब्ध हुने भएकाले नेपाली श्रमिकलाई नेपाल सरकारले प्रदान गर्ने सेवा सहज रूपमा प्राप्त गर्न सकिने बताए।
कार्यक्रममा गैरआवासीय नेपाली संघ (NRNA), युएईस्थित नेपाली समाजका प्रतिनिधिहरू र अन्य संघसंस्थाका प्रतिनिधिहरूको पनि उपस्थिति थियो।
युएईको अबुधाबीस्थित नेपाली दूतावासले वैधानिक रूपमा श्रम स्वीकृति प्रदान गर्ने सेवा सुरू गरेको दोस्रो दूतावास हो। यसअघि मस्कटस्थित नेपाली राजदूतावासबाटै पनि श्रम स्वीकृति सेवा प्रदान गर्ने व्यवस्था गरिएको थियो।
यस सेवा सुरुवातसँगै, युएईमा रहेका नेपाली श्रमिकहरूले आफ्नै कार्यस्थलबाट श्रम स्वीकृति प्रक्रिया पूरा गर्न सक्नेछन्, जसले समय र खर्चको बचत हुनेछ।
