जुम्ला,

कनकासुन्दरी-५, लौडिसिम – जुम्लाको कनकासुन्दरी गाउँपालिका-५ लौडिसिमस्थित हिमा लघुजलविद्युत् आयोजना एक दशक बितिसक्दा पनि अलपत्र अवस्थामा रहेको छ। स्थानीय बासिन्दा वर्षौँदेखि उज्यालोको प्रतीक्षामा रहे पनि आयोजना सम्पन्न नहुँदा अन्धकारमै बस्न बाध्य छन्।

स्थानीय सरकार र सरोकारवालाहरूको पर्याप्त चासो नहुँदा तथा निर्माण प्रक्रिया पटक–पटक अवरुद्ध हुँदा आयोजना अलपत्र परेको स्थानीयले गुनासो गरेका छन्। बेल मिडियाको स्थलगत रिपोर्टिङअनुसार, आवश्यक बजेट अभाव, ठेकेदारको लापरबाही र प्रशासनिक ढिलासुस्तीका कारण आयोजना सञ्चालनमा आउन सकेको छैन।

स्थानीय बासिन्दाले समयमा नै आयोजना पूरा गर्न सम्बन्धित निकायको ध्यानाकर्षण गराएका छन्। अब यसलाई प्राथमिकताका साथ अघि बढाइएन भने स्थानीयको विद्युत् पहुँचको सपना अझै टाढा रहने देखिन्छ।