काठमाडौं ।
काठमाडौं महानगरपालिकाले माध्यामिक शिक्षा परीक्षा (एसईई) दिने परीक्षार्थीका लागि सवारी साधनको व्यवस्था गर्ने भएको छ।
आज गणतन्त्र पक्षधर र राजावादी समूहको प्रदर्शनका कारण यातायात सेवा प्रभावित हुन सक्ने भएकाले महानगरपालिकाले विद्यार्थीलाई परीक्षा केन्द्रमा पुर्याउन र फर्काउने व्यवस्था मिलाएको छ।
महानगरका चार मुख्य क्षेत्रबाट सवारी व्यवस्था
महानगरपालिकाले चार मुख्य क्षेत्रबाट विद्यार्थीलाई गन्तव्यमा पुर्याउने गरी नगर प्रहरी बल परिचालन गरेको छ।
| क्षेत्र | जिम्मेवार अधिकारी | सम्पर्क नम्बर |
|---|---|---|
| बानेश्वर | नगर प्रहरी उपरीक्षक दिनेशकुमार अर्याल | ९८५१०६८०९६ |
| रत्नपार्क | नगर प्रहरी उपरीक्षक मनोज प्रसाद लामिछाने | ९८५१०९३१७६ |
| नयाँ बसपार्क | नगर प्रहरी नायब उपरीक्षक पूर्णचन्द्र भट्ट | ९८५१२३३६३३ |
| टेकु | नगर प्रहरी निरीक्षक प्रकाश पण्डित | ९८५१०५६३४६ |
आपतकालीन सम्पर्क
महानगरपालिकाले आपतकालीन सहायता तथा सम्पर्कका लागि हटलाइन नम्बर ०१५९०१७६४ उपलब्ध गराएको छ।
विद्यार्थी तथा अभिभावकलाई आवश्यक परेको खण्डमा सम्बन्धित सम्पर्क व्यक्तिहरूलाई सम्पर्क गर्न आग्रह गरिएको छ।
